ثانوية وادي الماء
اهلا بك عزيزي الزائر نتمنى لك اوقاتا ممتعة و مفيدة في رحاب منتدانا
بحـث
 
 

نتائج البحث
 


Rechercher بحث متقدم

المواضيع الأخيرة
» مُـسْتَـظَـلُّ اَلـنُّـونْ
الجمعة مارس 21, 2014 2:01 pm من طرف noorelhouda

» أغنية راب لطالبة جامعية ردا على روبورتاج النهار
الإثنين مارس 10, 2014 6:00 am من طرف Admin

» happy new year 2014
الإثنين يناير 27, 2014 5:51 am من طرف Admin

» احلى نكت جزائرية
الإثنين يناير 27, 2014 5:50 am من طرف Admin

» أنت أنت أجمل
الأربعاء يناير 22, 2014 3:34 pm من طرف fateh yaiche

» التفكير السديد
الثلاثاء يناير 21, 2014 7:22 pm من طرف fateh yaiche

» بين القضاء وقدر
الثلاثاء يناير 21, 2014 7:14 pm من طرف fateh yaiche

» قصيدة مملكة الشعر
الثلاثاء يناير 21, 2014 7:08 pm من طرف fateh yaiche

» طوفان القدر
السبت يناير 18, 2014 11:55 am من طرف BeroualAmel

التبادل الاعلاني
احداث منتدى مجاني

أجمل النكت الجزائرية 2011

استعرض الموضوع السابق استعرض الموضوع التالي اذهب الى الأسفل

default أجمل النكت الجزائرية 2011

مُساهمة من طرف bassel في الجمعة مارس 25, 2011 8:17 pm

السلام عليكم و رحمة الله تعالى و بركاته

أقدم لك نكت جزائرية أرجوا أن تعجبكم


1. واحد يسكن في القرية دا الباك وباه يروح للجامعة خاف يضحكو عليه قالتلو أمو روح برك النهار اللول يضحكو عليك والنهار الثاني يضحكو عليك والنهار الثالث توالف وتروحلك العقدة قالها: مالا حتى النهار الثالث ونروح

2 . كان واحد ماشي في سيارتو ومعاه زوجتيه, وفجأة السيارة تعطلت نزل الراجل يشوف, نطقت مرتو لمثقفة وقالت: شوف بلاك الكالبيراتور؟ غارت الزوجة لخرا وقالت انا تاني لازم نهدر حاجة حتى وإن كنت مانعرفش للسيارات...وقالتلو: يا راجل شوف بلاك نسيت البارمي

3 . واحد دخل للقهوة وقال للقهواجي: عندك قهوة باردة؟ يقولو: لا , زاد جاه غدوة وقالو كيما المرة اللولة ورد عليه:لا, وعاد كل يوم يقولو: عندك قهوة باردة؟ واحد النهار قال القهواجي: والله نوجّدلو قهوة باردة قبل ما يجي, ومبعد ساعة جا الزبون وقال: عندك قهوة باردة؟ قالو: نعم, قال: سخّنها وجيبهالي

4 . واحد دا بنو ومرتو في رحلة في السيارة, وكي فاتو على ناطحة سحاب قال الطفل: وشي هذا يا بابا قال الأب: والله ما ندري, وزادو فاتو على مرأب للسيارات قال الطفل: وشي هذا يا بابا رد الأب: والله ما ندري وزادو فاتو على مسبح قال الإبن : وشي هذا يا بابا قال الأب: والله ما ندري. نطقت الأم وقالت: اسكت يا بني راك قلقت باباك. قال الأب: لا اتركي ابنك يسقسي باه يتعلم

5 . واحد يبيع لفطاير وكان كل يوم يفوت عليه واحد ويقولو: عندك 1000 فطيرة؟ يقولو:لا ودايمن يعاود نفس الشخص السؤال: عندك 1000 فطيرة؟ وفي نهار قال صاحب الدكان والله نوجدلو 1000 فطيرة ونربح من عندو. وغدوة جا الشخص وقال: عندك1000 فطيرة؟ قالو: نعم قال: والله وتبيعهم نعطيك واش تحب

6 . مرة واحد يقلق مية في الساعة, دّا قماش عند الخياط وقالوا: اسمع حاب ندير قندورة تكون مليحة يعني يكون الكول مصاوب وصغير والدرعين مايكونو طوال مايكونو قصار ومن تحت توصل حتى للكعب وعندك ادّيرلي جيب مانسحقّش, ولكتاف مايكونوش عراض بزاف, وصاوبها تحت الطوابق, وأهم حاجة عندك ادّيرها محصورة انا ما نلبسش حاجة محصورة ولوكان درتها محصورة والله مانسلكك...هات لقماش هنا مانزيدش نجي عندك خلاص.

7 . في ليلة كان ربعة من ليجون يحششوا ورا باطيمة وبعد مدة خلصلهم الكبريت, فبعتوا واحد منهم يطلب, مالا راح دار على لباطيما ولاّ ليهم بعد, قاللهم: يا جماعة ما عندكمش كبريت؟ قالوا: أقعد رانا بعتنا واحد يجيب...

8 . مرة واحد كسول ألف في الساعة شاف قدامو قشرة وهو يمشي. قال: ربي يعيني على هاذ الزلقة

9 . وهادا واحد يبيع القهوة بثلاث دنانير, وكل يوم يجيه واحد ويحطلو دينار في شرق الحانوت ودينار في غرب الحانوت ودينار في الوسط ويقولو: اعطيني قهوة. وفي نهار جاب هذا الشخص قطعة تاع خمس دنانير وقالو: اعطيتي قهوة. فرح القهواجي وقال هذي فرصتي باش نردلو ما دار فيا وراح جابلو قهوة وحطلو دينار في شرق الحانوت ودينار في غرب الحانوت وقالو: هذا الصرف. وفجأة جبد الزبون دينار وحطو في النص وقالو زيدني قهوة

10 . هذا واحد يهجي الهدرة بزاف في كل مرة يروح للقهوة ويقول للقهواجي: أعطيني ققققققـ.... ومايجي يقول قهوة يغلق مول المحل ويقولو ولي غدوة,ودايما تسرالو هكّا, وفي نهار قال لازم نبدا نوجّد الكلمة في الليل وكي نوصل الصباح نقولو, وفعلا بدا في الليل يقول: ققققققققـ... وفي الصباح مع وصل للقهوة قال: قهوة أعطيني, دار ليه القهواجي وقالو: انعم خويا؟؟

11 . واحد ركب في كار تاع زوج طيجان من فوق, جاه صاحب الكار وقالو: يا سي محمد احنا نبداو نركبو من تحت السّع من فضلك انزل لتحت, وسي محمد حالف يبقى لفوق ومالقاش كيفاه يدير معاه, جا واحد قال لصاحب الكار: خليني نفريها معاه, وبمجرد ما هدر في ودن خشين الرّاس هبط لتحت, حار صاحب الكار وراح للسيد وقالو: والله تقولي واش هدرتلو أنا عييت فيه وماحبّش, قالو: قلتلو الكار الي لتحت يمشي قبل لي لفوق

12 . هادو زوج خاوة واحد منهم دركي وواحد حفاف, قال الحفاف لأمه نوضيني بكري غدوة.. جات أمه نوضتّو, غلط الحفاف لبس لباس الدرك تاع خوه وهو نعسان شاف روحو في لمرايا وقال: هيه... قلتلها نوضيني نوضت خويا

13 . مرة واحد حلف يروح لفرنسا من الجزاير يعوم,
عام تلات أيام وبقاتلو مسيرة يوم, تعب رجع

14 . كان وحد متفاتن مع مرأة غير بلهدر هو يهدر وهي تهدرومن ثم قالت له : لكان تزوجة شطان مشي كيفك ثم رد لها قأل : حرام الاخت تتزوج بخوها...فهمفها أذا مفهمتهاش

15 . مرة كان هناك واحد عربي التقى بواحد ياباني فعرض علي العربي بتناول العشاء فقرر ان يهاتف زوجته ليعلمها فاعطاه الياباني يده و قال كلم هنا فقط في الهاتف النفال اي يديه كهاتف لدرجة تطور اليابانيين و بعدها ذهبو الى المنزل وفي الطريق راو عدة متسولين يرفعون ايديهم للتسول فسال اليابني :ماهذا.... فقال العربي هذا هاتف عمومي تاكسي فون هاهاها

16 . واحد قروي شاف امو حامل قالها هدا شكون قالت خوك قالها وعلاش كليتي

17 . تشاجر زوجان فقالت الزوجة فى غضب والله لو تزوجت ابليس لكان ارحم منك فقال لها حرام ان يتزوج الاخ اخته

18 . واحد عندو دراجة .كان في الطريق يرفع العجلة فاستوقفه شرطي واعطاه بروسي و كتب فيه محاولة طيران

19 . رجل قروي لم يظهر لمدة اسبوع فلما تدخلت مصالح الأمن وجدوه ميتا في بيته لكن لم يعرفوا سبب موته وبعد دلك وجدوا بوسط كسيت عند راسه فلما شغلوا البوسط كشيت وجدوا اغنية كاظم الساهر لا تتنهد فبها عرفوا ان هدا الرجل اتبع كلم كاظم الساهر حيث قطع التنهد او التنفس .

20 . كانوا اثنين صحاب يمشوا و احد دار واحد عمارة

21 . الأول فيه شخصين والثاني فيه حفل زفاف فأي الممر تختار فأجاب أتوقف فرد عنه الجنيور تقتل شخصين أحسن من أن تقتل الكثير وبعد زمن جرت له نفس الحادثة فداس الشخص الأول والثاني هرب إلى العرس فأنحرف نحوه فقتل الكثير وفي غرفة الإنعاش سألوه لماذا فعل ذللك فأجاب بأنه درسها في قانون المرور الجنيور قال لي ذلك

22 . كاين قرد يجري ورا نمالة وعلاش علا خاطر اسمها بنانة

23 . حمزة يشتي وحدة تقرأ في الجزائر كي رحلها ضربته بكف هطي الرجال ولا خلي

24 . قالو: يا عومار والله الدخلة اليوم باطل
)مجانا( قالو: آو واين؟, قالو: في الحيط

25 . خابط راح يحضر جنازة فسقسى واحد مهبول: "شو يخدم الميت يا خو؟" قاله المهبول: "يحفر قبور". رد الخابط :"سبحان الله اللي يحفر قبر لخوه يطيح فيه"

26 . مشحاح كتب على باب داره: "ما تخبطوش الباب راني نحله كل خمس دقايق"

27 . واحد كريم جابت عياله توام، قسم على الطبيب يهز واحد منهم

28 . مشحاح طاحت دراهمه من التاقة. كي نزل ما لقاهاش. ليش؟؟؟؟ لأنه وصل قبلها.

29 . زاطل يكلم في روحه "نايا نحب نرقد بالصح مش عارف نرقد ليش ما يحبنيش"

30 . زاطل في ليلة عرسه. بعد ما راحو المعروضين دخل لداره و لقا العروسة ثم. قال : "كنت عارف انه بعد الزردة هاذي بش ينسوا واحد"

31 . معلم سأل طالب: السروال مفرد و لا مثني يا طفل. رد الطالب: "مفرد من فوق و مثني من تحت"

32 . واحد جاه ولد بعد سبع بنيت سماه "بكري"

33 . قالك واحد تقلق مدولو سيارة زاد تقلق مدولو دار وبعدها قال لو أتقلق مرة أخرى فسوف يعطونني شيء آخر فتقلق فانتزعوا منه كل شيء

40. قالك واحد جا رايح يرقد غلط مات

34 . كان فيه وحد العجوزة دخلت للقهوة. قاتلو يا وليدي شحال كاس قهوة. قالها 10د
قاتلو وشحال تحسبو السكر...قاللها ياالحاجة السكر باطل. قاتلو امالا أرى 2 كيلو

35 . وحد العجوزة دخلوها تقرا في محو الأمية
المعلمة كانت تقري فيهم. ...دخل عمر الى القسم
و خرج عمر من القسم
لعشيا سقساها وليدها: يما واش قريتو اليوم
قاتلو يا وليدي عمر هذاك خلانا نقراو
نهار كامل وهو داخل خارج

36 . وحد المعلم سقسا وحد التلميذ
قالو أعطيني شيء يتمدد بالحرارة ويتقلص بالبرودة
التلميذ قالو: العطلة يا أستاذ. في الشتاء 15 يوم وفي الصيف 3 أشهر

37 . واحد كان يتفرج في وحد الفيلم تع الماريكان
كي خلاص الفيلم بدات تطلع الكتيبة
جازت وحد الكتيبة فاتو قبل ما يقراها
طلع عند جارو الي يسكن فوقو وقاعد يسنى فيها توصل

38 . واحد طلع في الكار وكان لا بس سباط تع 3000 الف
وحد العجوزة عفست عليه
قاللها الحاجة نحي رجليك راكي معفسة على 3000 الف
قاتلو: وين راهم. طاحولي ليا

39 . وحدة سمينة بزاف...راحت عند الطبيب باش يعطيلها الدوا باش تشيان. مدلها باطة كاشيات وقاللها كل نهار تاكل 2 حبات
هي نسات. وكلاتهم قاع مرة وحدة
ولعشيا جا راجلها للدار وحوس عليها ومالقاهاش
قاللها : عيشة وين راكي؟؟؟
قاتلو راني مر البالي

40 . واحد ليل كامل ماجاهش النعاس
وعلاه؟؟؟
نسى ماغمضش عينيه كي راح يرقد

41 . قالك واحد زاد عندو ولد فيه شعرة واحدة في رأسه سماه محيرقة

42 . زوج بشرطية كي زاد عندهم طفل سماوه بروسي


43 . مرة أستاد قال للتلميد: اعطيلي 3 حيوانات زاحفة قالو: حنش ، حلزون ، خويا الصغير


44 . واحد صحفي ازوج مع صحفية جابو طفل سماوه ( خبر عاجل )

45 . واحد كان يشاتي في الانترنيت مع فتاة قالها كيفاه اسمك كتبتلو فاطمة و حطت قدامها وردة يعني (فاطمة الزهراء) هو واش كتبلها ......le pere vendredi (اسمه بو جمعة.

46 . قالك زوج دخلوا للمطعم واحد غني و الخر فقير الغني طلب اكلة باللحم والفقير طلب صحن من الفول ايا الفقير بدا ياكل بسرعة شاف فيه الغني و قالوا قول بسم الله باش ما يكلش معاك الشيطان دار عندوا الفقير وقالوا واش بيك الشيطان يخلي اللحم و يجي ياكل الفول

47 . قالك زوج جيران واحد غني و الاخر فقير. الفقير عندوا المصباح السحري كل صباح يمسحوا يخرج العفريت يقولوا شبيك لبيك اطلب كل شيئ بين يديك الفقير يقولوا اعطيني كاس شاي شافوا الغني و حسدوا على المصباح السحري و بغى يديلوا المصباح قالوا نعطيلك الفيلا و السيارة واعطيني المصباح الفقير قبل بالمقايضة . مسح الغني المصباح وخرجلوا العفريت قالوا شبيك لبيك كل شيئ بين يديك قالوا بغيت فيلا على شاطئ البحر قالوا العفريت اسمحلي خويا نسربي غير الشاي

48 . مرة واحد راح للطبيب باش يخدملو فم صقصاه على السومة قالو الضرسة 50 دينار والناب 10 دينار قالو مالا ديرهوملي كامل نيبان

49 . قالك هادي النكتة غير كيما. ياخي بدلو المنظومة التربوية والرياضيات ولات بالفرنسية. الشيخ قال للتلميذ R4+R4= واش؟ يعني 4ع+4ع=؟ واش قالو R8 وتعني سيارة من نوعR8

70. قالك دودة حبت تتكسل تقطعت

71. قالك واحد لعجوزة عندها حدبة دفنوها في دودانة

50. قالك واحد الراجل كلما يدوش يحط دودة فوق راسوا علاش؟؟؟؟؟؟؟؟؟؟؟؟؟؟؟؟ مكتوب على الشامبو: ضعه لثواني معدودة

51. قالك وحد لعجوزة تجري مور زوج قرلوات كبار علاش؟؟؟؟؟؟؟؟؟؟ دارت في بالها زوج حبات تمر

52. قالك واحد الكلاسة يديرو الطوايش بزاف؟؟؟؟؟؟ جى المدير سقساهم بالواحد؟ الأول؟ لأنت واش درت؟: قالو انا عميت صاحبي بالمدور الكومبا. والثاني أنت واش درت؟: قالو انا ضربت الشيخة؟ والثالث أنت واش درت؟ قالو أنا رميت كويغطة من التاقة.....قالو المدير أنت اقعد انت عاقل رميت غير كويغطة. كي كان هابط المدير صاب تلميذ ميت مدقدق قالهم :شكون هذا؟؟؟؟؟؟؟؟؟؟؟؟؟؟؟؟؟؟؟؟؟قالولو كويغطة عبد القادر

53. قالك مسمار حب يدير الريجيم ولى بينازة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

54. قالك مسمار هرب من الدار عيطلو باباه في وكل شيء ممكن...قالو ولي لدار يا وليدي يماك راهي تصدات من لبكى

55. واحد مين يجي يهدر معاه واحد يطلع الجبل وعلاه باش يفهمها و هيا طايرة

56. قلك واحد قتل باباه وعلاه حاب يروح للرحلة تاع الايتام

57. قالك وحدة النمالة ركبت لورا وعلاه على خاطر ما لقاتش بلاصة من القدام

58. قال واحد الارنب يوكل غير البانان وعلاه على خاطر جا بالبسبور تاع قرد

59. قالك واحد القطة دخلت للكوزينة وعلاه لقات الباب محلول
60. وحدة النمالة ملفوق كحلة ومن التحت بيضة وعلاه لابسة بمبرز

61. قالك واحد الراجل بخيل بخيل خلاص سما ولدو مليون وعلاه باش كي يكبر يولي ميات مليون

62. قالك واحد كيما رجع من العسكر لقا مو ماتت خرج من الدار قلقان لقا ابريق سحري مسحو من الغبار خرجلو جن قالو اطلب امنية قالو : حاب نشوف ما قبل ما تموت : قالو اااااااو صعيبة اتمنا حاجة اخرى قالو: جيب البرازيل تلعب مع الجزاير و تكون خاسرة بربعة زيرو قالو الجن : و اسما تشوف امك خير .

63. قالك واحد سوقاط كان يطل من الطاقة و هاز معاه 1000 دينار و يفوخ بيها ومباعد طاحتلو هبط بزربة باش يجيبها لقاها ماكانش شاف لفوقا لقاها هابطة


64. قالك واح جا يبني المستقبل تاعو ملقاش السيمة

65. قالك واحد راسو كبير تمسخرو بيه الدري راح لم قالها: علاش راسي كبير قالتلو : وحد النهار كيما كنت صغير طحت على راسك جيت نحطلك القهوة حطيتلك الخميرة

66. قالك خطرة واحد صاب برية مكتوب عليها لاتفتحها,,,,,,,؟؟؟؟؟؟؟ داه الطمع كي فتحها واش صاب؟؟؟؟؟؟؟؟؟؟؟؟لمـــــــــــــــــــــــــــــــــ ـــاذا فتحتها

67. قالك خطرة واحد مع صحبتو يغازل فيها واش قالها؟؟؟؟؟ يا حمامتي؟؟؟؟؟؟؟؟ قالتلو ماتقوليش يا حمامتي قولي يا غزالتي, واش قالها؟؟؟؟؟؟؟؟؟؟؟؟؟؟؟ المهم حيوان

68. قالك خطرة واحد مور وحدة يتبلى فيها, يمشي ويزوخ: قاعد يقول: العام الماضي بابا طلع لأمانيا جابنا فيها مرسديس الاخرى, وخويا راهو يطلع في فيلا 12 إتاج. ووووو....................الخ كي دارت ليه الله يسترنا من هاديك الفاشا=قبيحة؟؟؟؟؟؟؟؟؟؟؟ قالها :بصح بعنا كلش

69. قالك خطرة عجوزة طلعت فالكار الحافلة و قدامها واحد الشباب لابس حذاء ترناقة يا خو ما نحكيلكش. عفساتو هديك لعجوزة.قالها يا الحاجة راكي عافسة على مليون دج ؟؟؟؟؟؟؟؟؟؟؟ قالتلو وراهي نتاعي قييييييووووووووووووووو

70. واحد كان يمشي مع وحدة شافت والدها من بعيد قاتلو روح والدي راهو جاي قاللها كشماكان انا خوك

71. كان معلم يدرس الرياضيات يسال واحد مايفهمش الرياضيات قالو والدك يعطي لخوك 3 تفاحات وانت تفاحة وش= قالو تصرا حرب في الدار

72. قال ليك هادا واحد تابع وحدة من اللور و كا يقول عندنا العمارات عندنا الفيرمات عندنا أراضي ؛وهي تدور عندو و بانت ليه خايبة وهو يكول ولكن بعنا كلشي

73. مرة أستاد سأل تلميدو واش يعني السبيل قالو تلميد :الطريق قالو احسنت واش معناها سلسبيل قالو طرطريق

74. واحد حنيــــــــــــن ازوج مع وحدة حنيــــــــنة بزاف جابو طفل صدقوه

75. عجوزة لقات مرآة طايحة في الارض قالت علاه طيشو هاد الكادر المليح كي هزتوشافت روحها قالت : آه عليها طيشوه

76. واحد مشحاح بزاف تكسرتلو قطعة تاع خمس مئة سوداها بألفين

77. قالك خطرة فرطاس تزوج فرطاسة جابو طفل عندو شعرة واحدة سماوه محيرقة.

78. قالك خطرة واحد راح عند الطبيب قالو الحاجة اللي نمسها في لحمي توجعني,كي شافو الطبيب قالو ما بيك والو عندك حبة في صباعك و صباعك هو اللي يوجعك مشي لحمك.

79. قالك واحد النهار واحد حابس راح يحفف شعرو و مور لي حفف شعرو قالو الحفاف خلصني ,قالو هداك الحابس معنديش ,و مبعد قالو الحفاف ريح هنا حتى يكبر شعرك.

80. قالك واحد الحابس راح لصيدلية سأل مول الصيدلية عندك نعناع؟قالو معنديش,زاد ولى ليه و سألو نفس السؤال ,و مبعد مول الصيدلية شرى النعناع , وجا الحابس و قالو عندك نعناع؟قالو مول الصيدلية عندي ,قالو الحابس بصح أنا عمري ولا شفت صيدلي يبيع النعناع.

81. قالك واحد الحول قالولو واش تتمنى ,قاللهم نتمنى نشوف واحد يمشي واحدو.

82 . قالك خطرة واحد قال لصاحبو و هدا صاحبو حابس,واش معنتها مراية بالفرنسية؟الحابس .face a face قالو هدي الحمار يعرفها:

83. امراة طلقت شعرها هربلها

84. امراة عجبها الحال تزوجت به

85. زوج كانوrechercher واحد ronda اولاخر poker

86. واحد شرى صباط كبير عليه ولى يقادرو

87. ميكانيكي شرا سرير رقدت تحتوا

88. واحد اعوج دفنوه في دورة

89. واحد دخل لحانوت قالو كاين القازوز قاللو مولا الحانوت كاين اشكال وانواع قالوا اعطيني زوج انواع و زوج اشكال

90. واحد مريض بقلبوا بدللولو قلب نتاع بلاستيك عشق في بسينة

91. سراق كي وقف مع مولا الدار قدام القاضي قالو القاضي اذاهو لي سرقك قالو هو هو هو نطق السراق وقالوا كي سرقتك كنتي راقد

92. قالك خطرة واحد قطع الطريق قالولو سوديها.

93. قالك خطرة واحد قال لصاحبو قول: "د" قالو دجاجة, قالو: لالا؟ قول:"د" قالو: دجاجة؟؟؟؟ قالو ماشي دجاجة قول: "د" ماتزيدلهاش جاجة؟ قالو: أيا نعاودو من للأول, قول: "د", قالو: دجاجة؟؟؟؟؟؟؟؟؟؟؟؟ قالو: ياسيدي أنساها, وقول: " دلاعــــة". قالوا: كبيرة ولا صغيرة.

94. قالك خطرة المدير جاه خبر بلي الشيخ تاع المات راهو يعض التلاميد دياولو, قال هدا كيفاش معاه؟؟ والله غير نروح ونشوف, راح وتخبالو في البلاكار تاع la classe واقعد يشوف فيه من العين نتاع الباب, دخل الشيخ و ابدى الدرس نتاعو, طلع واحد او قالو: 4x4 شحال؟ قالو: 20....قالو راني نعضك.وزاد عاودلو السؤال: 4x4 شحال؟ قالو:40..قالو راني نععععضك, زاد معاه الثالثة, 4x4 شحال؟ قالو: 80؟؟؟؟؟؟؟؟؟؟؟؟؟خرج المدير وبدى يعيط...عضضضضضضضضضو عضضضو يا جدك

95. قالك خطرة واحد جى ينوض يماه ديمارات بيه.

96. قالك خطرة ثلاثة أصدقاء كانوا يقصرو, طاح اليل راحو لدار, واحد فيهم مسكين صبح ميت, في الجنازة من غدوى داك تلاقاو هادوك الزوج ايماجيني واش قال لصاحبو؟؟؟؟؟؟؟؟قالو نزيم مسكين مات وهو راقد مسكين ماعلابالوش بلي مات.

97. قالك خطرة واحد طاح عليه اليل فجرو.

98. قالك خطرة زوج مايشوفوش مليح تخاطرو فيما بيناتهم شكون يشوف مليح. الأول قال لصاحبو غدوى ان شاء الله نتلاقاو في المضرب الفلاني قدام واحد الحانوت, قالو شوف نريحو بعاد بواحد 50 متر وقولي مول الحانوت واش راهو حاط برى قالو اوكي, الأول راح وتفاهم مع مول الحانوت قالو راني متخاطر مع فلان حطلي شوية قرع تع الغازو 3 شكاير فرينة او 2 كاجوات قازوز و 5 كاجوات حليب .. قالو اوكي, كي لحق اليوم الموعود بعدو على 50 متر وقال الأول الخداع لصاحبو واش راك تشوف ؟؟؟؟؟؟؟؟؟؟؟؟؟؟؟؟؟؟؟؟ قالو 5 شكاير سميد او ساشي نتاع البالوات او 3 كاجوات نتاع اللبن.. قالو أنا راني نشوف شوية قرع تع الغازو 3 شكاير فرينة او 2 كاجوات قازوز و 5 كاجوات حليب. قالوا أيا نروحو ونشوفو. كي راحوا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟صابوه مغلوق مساكنننننننننننننننننننننننننن.

99. كاين واحد يمدح في بنت من قريتهم واحد نهار قالهاا انتى اجمل وحدة في القرية انتاعنا قالتوو حتى اخوك راه يقولى في مثل هدا الكلام قالهاا اخى ذاك راه اكبر كذاب

100. واحد ضرب الدنيا بكوتبي عشى بلبلاتر


101. قالك واحد شرب قهوة حصلولو الكراسئ


102. قالك خطرة زوج بنات كانو يقراو وحدة passat و الأخرى fiat

103. قالك ماهو الحيوان الدي يشرب الماء كثيرا؟؟؟؟؟؟؟؟؟؟؟؟؟؟؟؟ قال التلميد: لافابوبا

104. قالك وحد النهار إرهاب دارو باراج حبسو كار ودخلو فيه وقالو للناس لإسمه يكمل بالدين منقتلوهش بداو يسقسو الاول:سموني خير الدين. الزاوج :سموني بدر الدين. الثالث:سموني جمال الدين. الرابع:سموني شمس الدين. الخامس:سموني سيف الدين. التالي ماعرفش شا يقول قالهم كروكودين

105. قالك واحد يكذب بزاف راح عند واحد قالوا راك معروض لعرسي قالو هذاك الواحد وكتاش......... قالو الكذاب نهار الاحد مور الجاموعه..............

106 .قالك واحد 3 نسا ينساو بزاف مرضت وحده فيهم راحو يطلو يعليها قعدت تحط القهوه و تعاود او مبعد كي راحوا صحاباتها قالتلها وحده للخرى شفتي يلا حطتنا القهوه و اللاغير مشحاحه قالتله لخرى وعلاش حنا رحناة.

107 . قالك واحد ينسا بزاف مرض راح عند الطبيب قالو بلي راني مريض هكدا وهاكدا اومبعد قالوا الطبيب اقعد و بدا يسقسي فيه قالوا وكتاش بداك هاد المرض و كيفاش ...... رجعلوا هاداك قالوا وعلاش شكون قالك راني ميض.....

108 .واحد الزوج كانو شاربين راهم يمشو فالليل شافو القمر ناضو يدابزو واحد يقول قمر و لوخر يقول شمس سقساو واحد كان يمشي فالطريق قالولو واش هذا قمر ولا شمس قاللهم واللاغير اسمحولي انا ماشي منا.........

109 .قالك واح النهارا واحد مغندف بغا يحرق أيا جا لوهرن وراح ل Sheratonأيا دخل وقعد قاعد يقارع فيه يقلع (حسبه بابور)

110. خطرة قالك واحد مع مرتو يضاربو, ايماجيني على من, على الأسم تع المزيود الجديد هو يقول نسموه خير الدين وهي تقولو لالا خير الله, زاد عندهم واحد الطفل الله يسترنا يوزن واحد كغ واش سماوه ايماجيني خير من ماكاش.

111. قالك هدا واحد يشوف زوج وعندو وليدو يشوف زوج يعني يشوفو بالدوبل, الراجل قاعد على ربي جى وليدو قالوا بابا اعطيني الفراك انت ولا عمي, قالو أييييييييييييييييا أدي خوك وروح تلعب

112. قالك خطرة واحد بلع نص حبة كاشي نتاع الرقاد رقد بعين وحدة

113. قالك واحد سرق باب تع سيارة راح يجري بيه كسخن افتح التاقة(النافذة(

114. خطرة واحد هو مايشوفش مليح وزاد شرى مقنين ما يشوفش مليح جاء يحطو فالكاجا حطو برى والمقين مسكين جاء يهرب ادخل للكاجا .

115. قالك واحد سوقاط كان يطل من الطاقة في الطاج 40 وهاز معاه 100 دينار ومباعد طاحتلو راح هبط بزربة باش يجيبها في البلاصة الي طاحت فيها لقاها ما كانش كيما شاف لفوقا لقاها مازالت هابطة

116. قالك واحد السرارقة دخلو لدار فيها راجل ومرتو رسمولهم دوايرة في الدار و حطوهم فيها وقالولهم ماتخرجوش منها حتانسرقو الدار ونخلصو وكون يخرج صبع من الدوايرة نقتلوكم و مباعد شوية ناد الراجل يضحك قالتلو مرتو علاش تضحك قالها من الصباح وانا نخرج في رجلي ومافاقو

117. قالكواحد الفيل داس على غار النمل واحد النملة يسموها عيشونة طلعة فوقوا كي لحقة لرقبتوا قالتلوا ضك نخنقك ولا واش ندير فيك

118. قالكم واحد عندوا حانوت(دكان) كل يوم يجيه طفل يقولوا..(صباح الخير عمو) هذا الراجل يقولو صباح الخير وليدو كاش ماتسحق. ... هذاك الطفل يقولوا(كاين الزيت (...الراجل يقولو ايه كاين ..طفل يقولو (اعطيني خبزة(...غدوة جيه يقولو (عمو كاين الحليب ) يقولو الراجل ايه كاين ...الطفل يقولو (اعطيني كيلو بصلة( ....غدوة منداك تاني يقول الطفل كاين الطماطم .... الراجل يقولو ايه كاين ..طفل يقولو (لعطيني قهوة)...اييا كره مسكين هذاك الراجل و قال و لله غير نروح نشكي بيه باباه ...راح البابه قالو (يا الحاج ابنك راه دايرني تمسخيرة ...مرة يجي يسقسيني على حاجة و يدي حاجة اخرة ...يا الحاج ربي وليدك شويا( قالو الحاج (اضربو ؟؟؟) قالوا الراجل كيفاش نضربوا... قالو الحاج (اضربو ؟؟؟) قالوا الراجل كيفاش نضربوا ربي يهديك ...قالوا الحاج (عندك عصا؟؟) قالو الراجل (عندي؟؟( ...قالو الحاج (اضربوا بــــــــــــكف(

119. واحد غبي كره من روحو حاب ينتحر جاه شايب قالو علاه تقتل روحك راهو حرام كل مشكلة عندها حل قالو: الناس بكل تتمسخر بيا انا كرهت على خاطر انا غبي و مانفهمش قالو الرجل العجوز درك نجربك ونشوفك الا صح انت غبي...عجوز: حاجة كي اسمها كي لونها...الغبي: ماعرفتهاش... العجوز:بيضة ، ماعليش درك نزيدلك فرصة : 2 حوايج كي اسمهم كي لونهم...الغبي: ماعرفتهاش..... العجوز : زوج بيضات، نزيد نمدلك فرصة الاخيرة : حاجة من برة صوف و دير باااااع و نشريوها في العيد... الغبي : عرفتهــــــــــــــــــــا... 3بيضات ...سويسيدا العجوز..................

120. واحد زاد(ولد) بلا دراعين سماوه والديه ديباردور

121. واحد جا رايح يبني المستقبل مالقاش الطوب

122. زوج مهابل حب يشوفهم الطبيب لكان رتاحوا مالا حطلهم قطة وخلاهم راح المهبول الاول يغسل فيها والاخر واقف فساله الطبيب لمادا انت واقف فرد عليه اني انتظر فيه يغسلها كي انشرها .

123. واحد راح الى المانيا بقا شهر ورجع سقساه صاحبو واش كاين عندهم حاير
فرد عليه سبحان الله عندهم هناك الاطفال في عمرهم 5 سنين يتكلمون جيدا بالالمانية .

124. قالك واحد سرق télévision لوحد العجوزة و راحت تجري موراه كي حكماتو عطاتلو ريمونت كونترول

125. قالك 3 مهابل طلعو فوق شجرة جاليهم الطبيب و قالهم باه ينزلو. نزلو 2 و الثالث قال لا لطبيب : مازال ما نضجتش .

126. فيه واحد سأل صاحبو واش اسم اخوانك قال: كلهم محمد الا ناصر اسمه خالد

127. قالك واحد شرى هيلوكبتر ( طوافة),,, فيها صندوق أسود .. المهم راح هو وعياله يحوسو فيها وطاحت الطوافة وماتوا الكل... جت الشرطة ودات الصندوق الأسود وشغلوا جهاز التسجيل اللي فيه وسمعوا زوجته تقول يـــــــــــوه برد... طف المراوح

128. فيواح زوجته قالت له : انت عمرك ما دلعتني .دلعني.... قال لها: انت طالق

129. في واحد اسمه سعيد فاتح عين ومغمض العين الثانية علاه باش يصير أسمه سعيد العويران

130. واحد راح يشوف البحر الميت لبس ملابس سوداء .

131. فيه واحد ما يعرفش يقول سبعة، دخل للحانوت قال لمولاه: عطني أربعة بيبسي وثلاثة بيبسي

132. بخيل دخل l'étoilete و ما خرجش علاه ؟؟ مكتوب على الباب من الداخل ادفـــع

133. وحد الحابس...جاب الباك وكان رايح يقرا في الجامعة..بصح خاف يضحكو عليه
يماه قاتلو ماتخافش. يضحكو عليك النهار اللول والثاني ومن بعد في النهار الثالث مايضحكوش عليك
قاللها خلاص. نروح النهار الثالث

134. وحد النملة كانت رايحة للسبيطار
لقاها العساس تع السبيطار وقاللها واش جيتي ديري؟؟
قاتلو: سمعت بلي صاحبي الفيل راه مريض. وانا جيت نتبرعلوا بالدم.

135. وحد النملة مع وحد الفيل جاو طالعين في الكار
الفيل ماكانش عندو الدراهم باش يخلص
النملة قاتلو ماتخافش. اتخبا موراي

136. المعلم سقسا التلاميذ انتاوعو
شكون فيكم يعطيني 3 حيونات برمائية
وحد التلميذ قالو: ضفدع ومرتو ووليدهم الصغير

137. واحد كان رايح للسينما ومدي معاه سلوم
سقساو واحد صاحبو: وين راك مدي السلوم
قالو للسينما. راه رايح يلعب فيلم طويل

138. كان واحد البوليسي حابس
وحد المرة حبس واحد في باراج. قالو واش تخدم
الراجل قالو محامي
قالو البوليسي وري كوارطك
شاف فيهم ميزلن تع العدالة
قالو البوليسي: أطلع معاي. تخدم خضار وتقولي محامي

139. كان فيه 3 نساء ينساو بزاف
راحو عند وحدة صاحبتهم. حطتلهم القهوة ومن بعد انساو بلي شربو وقالولها جيبيلنا قهوة مازال ماشربناش. وهكذا حتى شربو 6 مرات .وكي خرجو . وحدة منهم قاتلهم: شفتوا. فنجال قهوة ماجابتهولناش .
140. واحد شاف في التلفزيون عن كيفاش خطفو طيارة وبدلولها المسار
راح خطف قطار اي رايح لوهران وقالو روح لقسنطينة

141. كان واحد راكب في الطيارة وكانت رايحة تطيح
البيلوط-الطيار- قال للناس اللي راكبين: الطيارة رايحة تطيح
قاع خاقو الا واحد. سقساه البيلوط قالو وعلاه انت ما راكش خايف كي راهي رايحة تطيح
قالو: خليها تطيح. وعلاه الطيارة انتاعي باش نخاف .

142. قالك واحد نوض أمو...قلعت

143. قالك واحد صرط ميا دورو...جاته la tonalité

144. قالك واحد كان يقارع ليلة القدر اطيح عليه....كي جات فالدقيقة تاعها ، دعى ربي: يا ربي حني نرجع صغير... ولا طفل عنده 3 ans ، جاه بوحمرود أيا و مات


145 . قالك زوج كانو ماشيين، لقاو دورة ، واحد دار....ولاخور ..فيلا

146. قالك معلم سقسا التلاميذ: شكون يسميلي حشرة......قاله تلميذ: معلم نحلة........المعلم: جيد ناضله تلميذ وحداخر: معلم معلم...نحلة........قالو المعلم : ca yest قالها زميلك
التلميذ: ألا ...هاذي نحلة وحداخرا

147. قالك واحد راح يخطب، سقساه الأب: واش تخدم ولدي
قاله:...أووووو pharmacien
إيييييه الله يبارك....الطفلة راهي ليك
غدوا من ذاك ، فات عليه يبع فالكرنتيكا...كي شافه الطفل قال للمشتري
شوف هاذي عضة صباح وعضة العشية.


148. أم و ابنها يسكنون في وسط الصحراء (جاهلين). مرض الأبن و أغمي عليه ..فأخدته أمه الى الطبيب. بس الطبيب جاهل أيضا.... فحص الطبيب الأبن جيدا ..وقال ل الأم المريض(ابنك مات الله يرحمو) نهض الأبن بعد ما كان مغمى عليه...وقال للأمه¦ أنا حي يا أمي مش ميت قالة الأم¦ أسكت يا ولد متعفش خير من الطبيب........

149. قالك سرات اكسدنت بين 2 مرسيداس اخر عيطة ..بداو يداوسو صحاب الكرارس في ما بيناتهم........حبس واحد مولا R4 رايبة واش قاللهم؟؟؟ ماتتقلقوش تقدرت..و حنا قاع عندنا الماتريال و نخافو عليه

150. قلك واحد حكمو عليه ب الأعدام..قالولو كاش حاجة نجيبوهالك قبل ما تموت
قاللهم البتيخ.......قالولو ما راناش في وقتو...قاللهم نستناو حتى يجي وقتو

151. قالك زوج يهدرو بالمعاني فيما بيناتهم و كل واحد يكره لاخر..كان جاي واحد فيهم مع الكلب تاعو(حشكم)قالو لاخر عقلت الكلب من بعيد باه عرفت بلي نتا...واش قالو الأخر؟؟؟
الكلاب يعقلو بعضهم بعض

152. قالك نهائي كاس العالم بين النمل و الفيلة
خلاص الشوط الأول بنتيجة عريضة لصالح الفيلة 10-0
دخلو ليفيستيار واش قال مدرب النمل لخطة الشوط الثاني؟؟؟

ما فيهاش دوروهالهم قوة

153. قالك زوج و زوجة مطلقين..عندهم طفل..كي يحب الزوج ينسجم مع الزوجة السابقة يبعث وليدو الصغير للزوجة يقوللها قالك ابي راني حاب نعيت بالتيليفون و تجي ليه..و دايمن هاكا
واحد الننهار ما حبتش الزوجة ..املا زعف الرجل و قال لوليدو قوللها ياطيك الصحة راح نعيط عند مرأة أخرى..راح ليها الطفل و قللها ..عاودت بعثاتو قالتلو قولو ادا راك حاب نفتح تاكسي فون في هدي الدار..........

154. قالك واحد سكر و جا فالليل للدار ..عاد يدقدق فالباب فتحت عليه اختو....واش قاللها وين كنت يابنت الحرام هدا وين تجي للدار

155. بوليسي حب يدير بروسي املا نهار كومبلي مالقاش السبة
طاح شويا ليل جاي واحد بالموتو ..حبسو البوليسي و قلبو مليح و مالقاش السبة ثاني
سقساه البوليسي قالو ماتخافش بالمتو فاليل...
رد عليه مول الموتو.لالا انا دايمن على ربي و النبي
قالو البوليسي حبس بروسي راك مركب 2

156. قالك واحد كان يجري بالتونوبيل وحد 220
حبسوه في براج بدا البوليسي يعمر فالبروسي
املا مالقاث واش يكتبلو..افراط في السرعة قليل ..سرعة فائقة قليل...املا كتبلو محاولة طيران

157. قالك زوج مسطولين واحد فيهم نطق..واش هو اللأسم الحقاني تاع رونالدو؟؟
قالو لاخر..صالح
قالو كيفاه عرفت
قالو البارح تفرجت ماتش قال المعلق مخالفة الصالح رونالدو

158. قالك واحد مزير على الدورو
قالك شي كفاه شرى كيلو تفاح....
كلى اللولا لقى فيها الدود ..رماها
زاد الدوزيام لقاها كما اللولا...........واش دار؟؟؟
طفى الضوء و كمل كلى

159. قالك واحد شرى لوطو أونقلاز (anglaise) ، خرج بيها وحد النهار طالع لوهران...حبس عند باراج....شافيه gendarme وقالو فوت...apres دار لصاحبه قالو : واقيلا رانا قالبين الباراج..

160. قالك واحد راح لليبان ..مالقاش واش يخدم ..املا قال والله غير نبدى نبيع الزلبياء
غدو من داك راو يخدم حتى وصل ليه واحد ياباني دربو ...عالاه؟؟؟
لقى اسم اختو فالمقلى

161. قالك واحد مزير على الدورو
قالك شي كفاه شرى كيلو تفاح....
كلى اللولا لقى فيها الدود ..رماها
زاد الدوزيام لقاها كما اللولا...........واش دار؟؟؟
طفى الضوء و كمل كلى

162. قالك واحد شرى لوطو أونقلاز (anglaise) ، خرج بيها وحد النهار طالع لوهران...حبس عند باراج....شافيه gendarme وقالو فوت...apres دار لصاحبه قالو : واقيلا رانا قالبين الباراج..

163. قالك واحد راح لليبان ..مالقاش واش يخدم ..املا قال والله غير نبدى نبيع الزلبياء
غدو من داك راو يخدم حتى وصل ليه واحد ياباني دربو ...عالاه؟؟؟
لقى اسم اختو فالمقلى

164. وحد المرة كانت وحد البنت صغيرة مع خالتها و من بعد شافت فيها و قالت لها خالتي ياك انت ما تقرصينيش قالت لها لالا و علاش قالت لها البنت لانو يما قالت لي خالتك عقرب

165. في وحد القرية كاين حفرة ديما يطيحو فيها و سبيطار بعيد بزاف عليهم مالا كاين وحد الجماعة قاعدين يخمو كيفاش يديرو. قال الاول: علاش مانحطوش سيارة الاسعاف قدام الحفرةباه كي يطيح واحد نديوه بالخف. قال التاني: علاش مانبنيوش قدام الحفرة سبيطار؟ قالو التالت: علاش مانقفلوهاش ونحفرو وحدة قدام السبيطار

نتمنا أن تعجبكم مع تحيات ... أخوكم باسل Laughing

 

bassel

الحمل الماعز
عدد المساهمات: 19
تاريخ الميلاد: 28/03/1991
تاريخ التسجيل: 22/03/2011
العمر: 23

الرجوع الى أعلى الصفحة اذهب الى الأسفل

default رد: أجمل النكت الجزائرية 2011

مُساهمة من طرف حنان09 في الجمعة مارس 25, 2011 7:27 pm

merci bassel rani 9rit 20 lwala omba3d nkamal lba9i mais habit n9olk la dexieme sah srat hhhhhhhhhhhhhhhhhhhhhhh
merci bassel

[ندعوك للتسجيل في المنتدى أو التعريف بنفسك لمعاينة هذه الصورة]

_________________
[ندعوك للتسجيل في المنتدى أو التعريف بنفسك لمعاينة هذه الصورة]

حنان09

السرطان القرد
عدد المساهمات: 456
تاريخ الميلاد: 03/07/1992
تاريخ التسجيل: 11/04/2010
العمر: 22

الرجوع الى أعلى الصفحة اذهب الى الأسفل

default رد: أجمل النكت الجزائرية 2011

مُساهمة من طرف noorelhouda في السبت مارس 26, 2011 9:24 am

شكرا باسل .... رائعة عجبتني هاذي ..........
3 . واحد دخل للقهوة وقال للقهواجي: عندك قهوة باردة؟ يقولو: لا , زاد جاه غدوة وقالو كيما المرة اللولة ورد عليه:لا, وعاد كل يوم يقولو: عندك قهوة باردة؟ واحد النهار قال القهواجي: والله نوجّدلو قهوة باردة قبل ما يجي, ومبعد ساعة جا الزبون وقال: عندك قهوة باردة؟ قالو: نعم, قال: سخّنها وجيبهالي

_________________
[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة]

noorelhouda
مشرف عام
مشرف عام

العذراء الديك
عدد المساهمات: 1426
تاريخ الميلاد: 21/09/1993
تاريخ التسجيل: 04/12/2009
العمر: 20

الرجوع الى أعلى الصفحة اذهب الى الأسفل

default رد: أجمل النكت الجزائرية 2011

مُساهمة من طرف Admin في السبت مارس 26, 2011 10:00 am

شكراااااااااا باسل

_________________
[ندعوك للتسجيل في المنتدى أو التعريف بنفسك لمعاينة هذا الرابط]

Admin
Admin
Admin

عدد المساهمات: 1440
تاريخ التسجيل: 09/11/2009
الموقع: www.ouedelma-sc.3oloum.org

http://ouedelma-sc.3oloum.org

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

- مواضيع مماثلة

صلاحيات هذا المنتدى:
لاتستطيع الرد على المواضيع في هذا المنتدى